Saving Iceland ?

Hvað er þetta lið að gera hér á okkar landi og skipta sér af okkar högum ?    Það er ekki einn einasti íslendingur þarna á meðal ?   Það er til gamalt máltæki sem segir „sláðu ekki á höndina sem fæðir þig“  það er nú bara einu sinni svo að áll er orðin okkar helsta útflutningsvara líkt og síldin var forðum daga og sjávarútvegurinn hefur verið fram á þennan dag.  En nú flytjum við meira af áli út en sjávarafurðum.  Við erum einfaldlega að nýta landsins gæði eins og sá gamli uppi sagði okkur að gera í upphafi  vega.

Þetta eru í flestum tilfellum ríkra manna börn sem hafa ekkert betra við tímann að gera en að leika sér hér  viða að bjarga ÍSLANDI ?   Frá hverjum fjandanum spyr ég nú bara ?

Ég fyllist alltaf reiði yfir því hvernig fjölmiðlar hlaupa upp til handa og fóta og birta fréttir af þessum  apaköttum sem hlekkja sig saman yfir almenningsvegi  eða hlekkja sig við vinnuvélar og trufla þar með brauðstrit manna sem þar eru að draga björg í bú.

Hvernig skyldi vera dæmt í máli manns er kæmi þarna keyrandi grandalaus á þokkalegum hraða og keyrði yfir þessa hlekkjuðu mótmælendur  ?

Besta ráðið við þessum ósóma er að gersamlega „ignora“ þessi „idiot“ og hreinlega banna fréttaflutning af svona uppákomum.   Þá yrði þetta ekkert skemmtiefni fyrir þessa útlendu auðnuleysingja.   Og hana nú.

 

Athugasemdir

[Brynjar Jóhannsson, 22.7.2008 kl. 13:04]

voðalega ertu sár og reiður að fólk leggist gegn því að landflæmum á borð við reykjavíkursvæðið sé sökkt. Það er reyndar alrangt hjá þér að þetta hafi bara verið útlendingar. Það var fullt af íslendingum þarna líka. Einn af þessum "iddiotum" eins og þú kýst að kalla þá er meðal annars stelpa sem heitir Birgitta og er hún með bloggsíðu hérna.

Slá á hendina sem brauðfæðir mann ?

Áliðnaður er ekki meira en 5% af landsframleiðslu og það munu um 750 mans fá vinnu við álver úti á landi. Það er nú allt og sumt.  

[Hermann Ingi Hermannsson, 22.7.2008 kl. 22:35]

Heyrðu nú Brynjar góður,  hvaðan hefur þú þínar upplýsingar 5% hvað ?

[Ofi, 25.7.2008 kl. 15:26]

Svo sammála þér Hermann, hvernig er hægt að taka nokkuð mark á svona fólki.

"Tekið úr frétt"

Friðrik segir að þau hafi afhent sér skemmtibréf. ,,Flest allir voru í einhverjum grímu- og trúðsbúningum og ég reyndi að tala við þau. Þá byrjaði fólkið að flauta á mig enda kom í ljós að fæstir skyldu íslensku og þá tók ég til þess ráðs að bjóða fulltrúum frá þeim á fund til mín klukkan hálf níu sem þau þekktust nú ekki."

Skömmu eftir níu mætti fjölmennur hópur fólks samtakanna í höfuðstöðvar Landsvirkjunar. ,,Ég veit ekki betur en að þau séu ennþá niðri. Hingað upp komu þrjár dömur og ein þeirra ætlaði að fá að fara á klósettið en ýtti þess í stað á brunaboða," segir Friðrik sem taldi í fyrstu að þar væri sendinefndin komin þótt seint væri. Svo var ekki.

 Miðað við svona skrílslæti og asnaskap, þetta lið má bara fara heim og leifa þeim að klára grunnskólann fyrst.