Keltar, Súber, ísbirnir og ökuníðingar

 

Ég lofaði að greina frekar frá saumaklúbbnum (hljómsveitinni) Keltar.  Við erum reyndar orðnir eins árs gamlir og reynum alltaf að hittast einu sinni í viku og æfum og eigum góðar stundir.  Við erum svo lánsamir að hafa upptökustúdíó í æfingaplássinu og verjum því miklum tíma í upptökur og erum við komnir vel á veg með þrjú lög.  "Förukona"   "Símtal frá Þórshöfn" og "Gömlu góðu dagarnir"  og ákveðið hefur verið að verja sumrinu meira og minna í upptökur.   Vignir er nýkomin heim úr mikilli reisu með hele familien þar sem þau þvældust um meðal andfætlinga okkar í einar sex vikur.  Hilmar flaug út í heim í gær og við hinir ætlum að hittast í kvöld og fremja raddæfingar.

Um daginn var ég á leið eftir Reykjanesbrautinni (á löglegum hraða) snemma dags og var að hlusta á þríeykið sem ræður ríkjum í Súber morgunþættinum á FM 957  en stelpan hún Sigga er þar á meðal. Daginn áður hafði ungur ökuþjarkur tekin af lögreglunni á Selfossi á 175 km hraða, undir áhrifum, hafði áður misst ökuleyfið vegna samskonar afbrots.   Hlustendur voru að tjá sig um hvaða refsing væri hæfileg fyrir svona hegðan ?    Fyrir skömmu gekk ísbjörn á land og var hann talin skapa hættu og hvað gerði lögreglan í því ?   Jú hún mætti með alvæpni og fretaði bangsa niður.  Þá laust þessari hugsun niður.  Hvað á að gera við menn sem leggja líf samborgara sinna í mikla hættu ?    Ég bara spyr eins og fávís kona.

Athugasemdir

[Stína Run ;-) (IP-tala skráð) 22.6.2008 kl. 23:02]

Jah mar spyr sig líka......... á ekki bara að skjóta þá líka.    Heheheheh nei nei að öllu gamni slepptu þá líst mér vel á ykkur gamlingjana að vera að hittast svona og spila. Þetta er eitthvað sem gefur lífinu tilbreytingu.  Hlakka til að heyra plötuna (er hún ekki annars í bígerð??????)   Kær kveðja Stína Run

[Hermann Ingi eldri (IP-tala skráð) 24.6.2008 kl. 08:50]

Blessuð Stína,  við strákarnir ætlum ekki að vera með neinar yfirlísingar en ef við sitjum uppi með gott efni eftir sumarið þá er aldrei að vita.