Sandgerðisdagar, Klassart og Vinir Dóra

Maður verður að fara að taka sig á í blogginu, það hafa verið miklar annir á þessum bæ síðustu vikur svo ég á mér kannski eitthverjar málsbætur ?  Sandgerðisdagar að baki með öllu sínu ánægjulega amstri .  Ég held að það megi fullyrða að þessi hátíð hafi heppnast með eindæmum vel.  Svona bæjarhátíðir sem ekki snúast um að græða peninga en er eingöngu ætlað að skapa góða stemmingu og  sameiningu í bæjarfélaginu eru af hinu góða.  Eftir að hafa tekið þátt í skreytingu hverfisins okkar hefur  verið stofnað til kynna við nágranna.  Já þetta er bara hið besta mál.  Ég má til með að láta nokkur orð falla um tónleika Sandgerðis hljómsveitarinnar Klassart og hinna frábæru Vina Dóra .. á Vitanum á föstudagskvöldið 24 ágúst. Þessir tónleikar voru að sjálfsögðu liður í dagskrá Sandgerðisdaga.  Við hjónin röltum okkur niður á Vita og þar var mikil mannþröng og Klassart þegar byrjaðir að spila.  Þessir ungu krakkar komu mér svo sannarlega á óvart.  Alveg brilliant, flott spilamennska og góður söngur  músíkin góður bræðingur af fönki, blús og rokki.  Svo tóku gömlu reynsluboltarnir í Vinum Dóra við.  Ég verð að játa að ég hef aldrei farið á tónleika með með þessu annars frábæra bandi.  Ég hreifst mikið af blues á uppgangsárum John Mayall þegar hann var að unga út snilldar tónlistarmönnum eins og Erik Clapton, Peter Green, Jeff Beck, Mick Fleetwood, Mick Taylor og svo mætti lengi telja.  En við erum að tala um Vini Dóra sem hafa örugglega orðið fyrir varanlegu áhrifum af þessum mönnum.  Þarna upplifði ég aftur blúsinn.  Déskoti eru þetta annars fínir spilarar.  Ég tek ofan fyrir Vinum Dóra og ráðlegg öllum að upplifa tónleika með þessu bandi.

 

Athugasemdir

[másapjása (IP-tala skráð) 1.9.2007 kl. 11:07]

Þú segir það . Ég þekki nafnið "vinir Dóra" en hér með er forvitni mín vakin. Þarf að heyra í þessum bluesurum. Læt þetta duga þar sem ég veit ekki hvort færslan skilar sér. Koss til Sprellu.

másapjása

[vinur sprella og sprellu (IP-tala skráð) 3.9.2007 kl. 16:54]

sporsporspor jæja þá er allt orðið útsporað hér það átti reyndar að vera í gestó en þar helst ekkert inni. Allavega takk fyrir mig um helgina þetta er eiginlega betra en Heilsuhælið í Hveragerði. Mæli með að þið farið að selja slökunardaga hjá Sprellu og Sprella. lof jú gæs só rosó.