Er nauðsynlegt að skjóta þá ?

Maður heyrir frá lundaköllunum í Eyjum að lundinn sé ósköp ræfilslegur í ár.  Menn veiða sér rétt í matinn öll veiði í atvinnuskyni er fyrir bí.  Sama sagan í fyrra.   Hvað er í gangi ?  Hvað veldur því að lundastofninn virðist að hruni komin ?   Menn segja sandsílið sé horfið.  Hvernig skyldi kríunni þá reiða af ?  Því hún lifir að mestu leiti á sandsíli.  Það skyldi þó ekki vera að of margir munnar séu um þessa fæðu ?  Þá er ég að tala um hvalinn.  Það er orðið alltof mikið af hval hér við land.  Reyndir gamlir sjómenn segja mér að þeir hafi aldrei séð svona mikið af hval hér við land .  Þeir eru bókstaflega upp í fjörum og farnir að sækja að bátum sem eru við veiðar.   Skipstjóri sem leifði myndatöku af frákasti um borð í sínu skipi var dregin fyrir rétt.  Hvað skyldi mikið af óvökstnum frákastfiski hverfa ofan í einn steypieiðsmaga ?  Hvalurinn er að éta lífsviðurværi lundans og stofninn stefnir í hrun.  Hvað ætlum við að gera ?  Banna lundaveiðar ?                               Bubbi Mortens spurði eitt sinn  „er nauðsynlegt að skjóta þá“ ?   Er ekki að verða nokkuð ljóst að einmitt það þarf að gera.